نامه ای با منطق جنایتکار ملا عمر به کابل پرس

هزاره گانو ته یوڅو مشوری

لیکونکی: کریم نور

هزاره ګانو د تل په څېر خپله ناپوهي او ايرانی لمسون ومنه او يو ځل بيا يې په کوچيانو يرغل وکړ، د دوی خېمې يې وروسېځلې او څو تنه يې ورټپيان کړل . هزاره ګان په دې اند دي چې ګواکي د بهسودو د پېښي په څېر يې يوه بله بريا په برخه کړه، خو له بده مرغه چې اوږدمهاله پايلو ته يې پام نه دی چې ځانونه په خپله بدمرغوي .

د تېرې پېړۍ پېښې به تېرو وختونو ته پرېږدو، خو نهه کاله کېږي چې د نړۍ دري څلوېښتو ملکونو يو څو په چړو سمبال پښتانه راکابو نه کړل، بلکې نور يې هم ځانونه پې برباد کړل . اوسمهال يې ځينې په تېښته او ځينې د تېښتې لاره لټوي . په همدې توګه يې د شمالي ټلوالې غلامان په ځغاسته دي او همداسې به د هزاره ګانو منافق، مفسېد او لار ورکي مشران يا خپل ايراني آخور ته ور ودانګي يا هم اروپا او امريکا ته .

نو که پاتې هزاره ګان په دې اند وي چې ګواکي سربېره پر دومره ظلم چې له پښتنو سره يې کوي، بيا هم له دوی سره ښه ګاونډيتوب ولري، نو ځان غولوي . او که په دې اند وي چې ګواکي دوی به له پښتنو سره ډغرې ووهلای شي، يوازې شيطان عليه العنه به يې ورسره ومني . نو د راتلونکې بد مرغۍ د مخنيوي او سوله ييز ګډ ژوند لپاره بايد هزاره ګان څو ټکي د زړه په غوږو واوري :
● له خپل شخصي ملکيت، کور، پټي او خندک څخه پرته، هېڅوک د نور څه شي حق نه لري، هغه که پښتون وي که هزاره، تاجک وي که اوزبک .

● غر، ورشوګانې او څړځايونه د افغانستان د اسلامي دولت ملکيت دی . دغه څړځايونه افغان دولت له سلګونو کلونو راهيسي کوچيانو ته د څړ لپاره ورکړي دي . نو ځکه تاسې د دوی داوه نه شئ کولی او نه به دا حق څوک درکړي .

● په افغانستان کې د يوه مېشت توکم په توګه، د پښتنو د ورور په توګه، د ايران سيطاني وسوسې او لمسون رد کړئ . ستاسې سوله ييز ژوند او امنيت له پښتنو سره بل څوک نه شي ډاډمنولی، بلکې تاسې په خپله په خپل سليم او انساني عقل سره .

● د خپلو لار ورکيو، منافقو او غلام مشرانو څخه مخ واړوئ . هغوی له صليبي تاړاکګرو څخه لا مخکې د تېښتې پلان او پنډه جوړ کړي دي . هغوی له نورو توکمونو سره ستاسې د ورورۍ او ګډ سوله ييز ژوند پروا نه لري، بلکې د خپل جېب په غم کې دي .

● ستاسې مشران له خپل بادار سره، ستاسې له غليم او د سولې له غليم سره خواخوږي دي، نه له تاسې سره . ستاسې ډوډۍ، کاسه، چای او چاينکه، ناسته او ولاړه له پښتنو او نورو ورو توکمونو سره وه او همداسې به پاتې شي . نو خپل کور، کوڅه او کلی په خپله مه سېځئ .

● که چېرې تاسې هم د صليبي تاړاکګر په څېر د نورو توکمونو په تېره د پښتنو په وړاندې له ظلم او ځناورتوب څخه کار واخلئ، په دوی هر وخت يرغل وکړئ او د دوی حريم ته په سپکه سترګه وګورئ، نو ستاسې او د صليبي ځناورو او مجرمينو توپير به ورک شي . دوی به وتښتي، خو تاسې چېرته ځئ؟؟؟؟؟؟

نو آيا دا به ښه نه وي چې له مخلصو او په عقل پخو سپين ږيرو سره مو مشوره وکړئ، له خپل جهالت او ظلم څخه لاس واخلئ او د خپلې نابودۍ مخه په خپله ونيسئ؟
ټيټ مې مه بوله يرغل راباندې مه کړه
زه په دې افتاده ګۍ کې لوی کړنګ يم